DAVAO CITY – Gikaalarma sa Police Regional Office 11 ang nagkadaghang mga kaso sa child abuse diri sa rehiyon.
Gikanayon ni Women’s and Children Protection Desk chief Major Kristine Miraña, dili muubos sa otso syentos ka mga kaso ang natala sa rehiyon sa unang napulo ka bulan sa tuig 2022.
Duggan niini nga mas nilabaw pa ang mga kaso sa pagpangabuso sa mga kabatan-onan kaysa sa mga hamtong nga babaye.
Apan, tukion pa sa kapulisan ang pagtandi niini sa mga karaang datos sa susamang kaso sa miaging tuig.
Matud pa sa buhatan, 60% sa mga kaso ang napasaka na sa korte samtang 30% ang nagresulta sa pagkaaresto sa mga suspek.
Pagbutyag sab sa PRO11 nga kasagaran sa maong krimen, nagpahinabo sulod mismo sa panimalay sa mga biktima o sa mga suspetsado busa nahimo kining dagkong hagit kini.
Gisugyot sab sa opisyal ang pagpakusog sa kampanya sa mga barangay aron ipasayod sa mga ginikanan nga duna gihapon mga insidente sa pagpangabuso sa mga kabatan-onan sulod mismo sa ilang luna.
VIA || Bombo LJ Florendo
