-- ADVERTISEMENT --
DAVAO CITY- Napusilan sa liog ang usa ka lalaki human matud pa kining natripan sa wala pa mailhing suspetsado.
Sumala sa report nga nakaylap sa Bombo Patrol gikan sa Southern Philippines Medical Center (SPMC) kung asa gidala ang maong biktima, nasayran nga nahitabo ang pagpamusil sa Calinan, Stop over, Bukidnon Road ning siyudad sa Dabaw.
Nasayran usab gikan sa mga nakasaksi nga nakamotorsiklo ang suspek diin dali dayon kining misibat.
Subay sa rekord, nailhan ang biktima nga si Rodrigo Lapay Tundan, 57 anyos, usa ka mentally challenged nga indibidwal ug residente sa Barangay Wangan, Calinan.
Sa pagkakaron, padayon gihapon ang imbestigasyon sa kapulisan aron maila kung kinsay mipaluyo sa maong pagpamusil.
-- ADVERTISEMENT --
VIA|| Bombo Danica Baguio
