DAVAO CITY – Gisaulog sa Davao City Social Welfare and Development Office ang culmination activity sa Elderly Week sa Almendras Gym, Davao City, nga gisalmutan sa dul-ang libo ka mga lolo ug lola gikan sa tibuok bahin sa dakbayan.
Nag-indigay ang mga katigulangan ug pakita sa ilang mga talento sa pagsayaw ug pagkanta sa pipila ka mga contest nga gipahigayon sama sa song solo contest, chorale contest, folk dance contest, ug modern dance contest.
Gikanayon ni CSSDO Assistant Rowena Regner, nahimo sab kini nga family-oriented activity tungod sa suporta sa mga anak sa ilang ginikanan.
Higayon sab kini sa mga lolo ug lola nga maka-bonding pud nila ang ilang mga kaubanan.
Nakahigayon pa ug salmot ang mga senior citizens gikan sa mga lagyong distrito gumikan sa free transportation gikan sa mga barangay.
Gipahigayon ang maong programa agig paghinumdom kanila sa Elderly Week matag tuig ilawom sa Proclamation 470 nga nagdeklara sa unang simana sa Oktubre isip Linggo Ng Katandaang Filipino.
Naninguha ang maong kasaulugan nga mahatagan og hinabang ug oportunidad ang atong mga elders.
Angayan lamang nga mahatagan nato sila ug respeto ug pagtagad tungod sa ilang kontribusyon sa katilingban.
via || Bombo LJ Florendo
