DAVAO CITY – Nagpahinumdum ang Davao City Covid-19 Task Force nga mag-self quarantine ug mag-undergo ug RT-PCR test kon makabaton ug Influenza-like-Illnesses sama sa hilanat.
Gibutyag sa tigpamaba sa buhatan na si Dr. Michelle Schlosser nga misulay kini nga mag-self quarantine human nakahiagum ug hilanat ug pagpaniakit sa lawas.
Sa dihang nasayran sa iyang RTPCR test nga nagpositibo kini sa sakit, wala na kini misulod pa sa trabaho aron dili pa matakdan ang iyang mga kaubanan.
Gipasibaw ni Sclosser ang importansya sa symptoms monitoring ilabi nang anaa gihapon ang hulga sa COVID 19, busa giawhag niya ang katawhan nga mamahimong responsable sa pagpaniid sa mga sintomas sa sakit aron dili na musamot pa.
Kanunayng abli sa publiko ang Covid-19 Cluster Clinics, district health offices, ug barangay health centers alang sa libreng pagpakonsulta ug swabbing alang sa mga nagbaton ug Influenza-like-Illnesses.
via || Bombo LJ Florendo
