DAVAO CITY – Kapin libuan ka mga lumulupyo sa mga barangay sa Bulolsalo, Tacub ug Kimlawis sa Kiblawan, Davao del Sur ang nakadawat og hinabang ug serbisyong medikal atol sa gilusad ka mga dental ug medical mission sulod sa tulo ka simana.
Gikanayon ni Mayor Joel Calma nga gipangunahan ang maong mga outreach programs sa National Commission on Indigenous People 11 ug Sagittarius Mines Incorporated isip kabahin sa ilang social responsibility campaigns.
Dungag pa sa mayor, anaa sa 1,407 ka mga lumad gikan sa tulo ka mga barangay ang nakapahimulos sa maong programa.
Gibutyag sab nga gilayon karon sa kumpanya nga mag-operate ug minahan sa mga nahisgutang barangay duol sa Tampakan, South Cotabato nga abunda sa elementong copper inubanan sa pagtugot niini sa nasudnong panggamhanan.
Matud pa sa Department of Environment and Natural Resources ug ubang mining experts, gibana-banang anaa sa kapin US $200 billion ang kantidad sa mga copper deposits sa lugar.
Makabenepisyo daw ang mga katutubong Blaan sa natad sa panginabuhian sa lugar.
via || Bombo LJ Florendo
