DAVAO CITY- Nakabenepisyo ang anaa sa kapin kun kulang 500 ka mga indibidwal sa gipahigayong Oplan Kalinaw II Convergence Services sa Davao City Police Office (DCPO).
Ang nahisgutang aktibidad ang malampusong napahigayon sa Km. 7 Covered Court, Barangay Matina Pangi, Talomo District ning dakbayan sa Davao diin gisalmutan kini sa mga nagkadaiyang ahensya sa lokal nga panggamhanan.
Aduna sab gipahigayon nga hamubo nga lectures mahitungod sa pipila ka mga topiko sama na lamang sa Culture of Security, Family Juvenile Gender and Development, Women and Children’s Right Protection, Safe and Unsafe Touch, Internet Rules ug Kean Gabriel Hotline.
Sa pikas bahin, mas midoble pa ang kalipay sa mga benepisyaryo sa nahisgutang lugar human nga makadawat og mga groceries, foodpacks, school supplies, libre nga mga dulaan ug mga tsinelas.
Aduna sab gipangtanyag nga medical consultation, libre nga mga tambal, libreng lugaw gikan sa lokal nga panggamhanan ning syudad ug libre sab nga haircut.
