DAVAO CITY – Nagsugod na ang klase sa tanang Day Care Centers diri sa dakbayan sa Davao ilawom sa City Social Welfare and Development Office.
Kini na ang labing unang face to face classes nga gipahigayon sukad nahunong kini gumikan sa pandemya.
Nanukad sab ang ug monitoring ang mga sakop sa Early Childhood Care and Development Technical Team aron masiguro ang luwas nga pag-tuon sa mga kabataan sa kinder level.
Ginasiguro sab sa ilang mga ginikanan ug guardian nga anaa sila sa kanunay aron matutukan nila pag-ayo ang ilang mga anak sa tibuok adlaw sa klase.
Nagpatuman sab ug minimum health protocols sa mga klasrum sama sa paghugas ug kamot, pag-distansya ug paggamit ug alcohol aron malikayan ang virus.
Sama sa giplanuhan, gitunga ang usa ka grupo sa mga estudyante sa duha ka han-ay nga magpahigayon ug shifting sa klase duha ka beses sa usa ka simana.
Gigahin ang usa ka adlaw nga walay klase aron matutukan sa mga ginikanan ang pagbansay sa mga bata sa ilang pag-tuon.
via || Bombo LJ Florendo
