DAVAO CITY – Pahugtan na sa Bureau of Internal Revenue-Davao Region ang ilang pagpangolekta ug buwis sa mga business sectors sa rehiyon taliwala sa pagbalik sa normal nga operasyon sa mga negosyo panahon sa pandemya.
Sumala pa ni BIR Davao Revenue Officer Almena Macasa, strikto nilang ginapatuman ang tax mapping duha ka beses sa usa ka tuig aron matutukan ang pagbayad ug buwis sa mga establisyemento.
Nagapaniid ang buhatan sa mga establisyemento aron iinspeksyon ang ilang mga rekisitos ug ang pagtuman sa ilang responsibilidad sa pagbayad ug buwis.
Adunay katakus ang buhatan nga sorpreang mubisita sa mga establisyemento aron i-check ang mga papeles sa ilang mga negosyo sama na lamang sa payment of annual registration fee, authority to print receipts and invoices, registration of cash register machines ug ubang matang nga adunay kalabutan sa tax compliances sa mga negosyo.
Ginapahigayon sa BIR Davao ang tax mapping aron mabansay ang pagpatuman sa mga regulasyon mahitungod sa tax compliance sa mga negosyo sa tibuok rehiyon.
Nag-awhag karon ang BIR ngadto sa mga business owners nga siguruhong updated ang ilang mga rekisitos aron malikayan ang mga penalites.
VIA || Bombo LJ Florendo
