DAVAO CITY – Nagpasidaan na ang Land Transportation Franchising and Regulatory Board 11 alang sa mga operators nga nagkumkom sa mga pondo nga gigahin alang sa fuel subsidy sa ilang mga drivers.
Gikanayon ni LTFRB 11 Regional Director Nonito Llanos sa Bombo Radyo Davao nga dunay ubay-ubay na ka mga tsuper nga nagpasa na ug formal complaint batok sa ilang mga operator nga daw wala nangapud-apud sa ayuda nga fuel subsidy.
Pagasilutan sa buhatan ang mga operators nga napamatud-ang gigamit ang ayuda labaw pa sa angayng panggamitan niini.
Mamahimong blacklisted o pagahawanon sa listahan ang mga salawayong operators ug dili na makabaton ug ubang benepisyo gikan sa maong programa sa gobyerno.
Lapas syete syentos na sab ang napapha sa listahan sa mga benepisyaryo sa Pantawid Pasada Program sa rehiyon gumikan sa dili maayong paggamit sa gipanghatag nga ayuda.
Mamatikdan sab sa buhatan ang sayop nga paggamit sa card nga ginagamit alang sa ayuda tungod kay madangat sab ngadto sa Landbank ang digital notification sa matag paggamit nila niini.
Busa walay hinungdan nga gamiton ang ayuda sa ubang butang, taliwala lamang sa paggamit niini isip fuel subsidy card.
via || Bombo LJ Florendo
