TRIGGER WARNING: ABUSE, RAPE
DAVAO CITY – Gikabalak-an sa lokal nga panggamhanan sa Davao City ang nagkadaghang kaso sa pagpanglugos diri sa dakbayan.
Sa pakighinabi sa Bombo Radyo Davao kang Lorna Mandin, Integrated Gender and Development Division Head sa City Government of Davao, gikanayon niya nga nakatala ug usa ka gatus nga kaso sa rape ang Women and Children’s Desk sa Davao City Police Office diin saisentay nuwebe porsyento niini ang naglangkub sa mga biktima nga anaa sa dose hangtud dyese syete anyos.
Kasagaran sab sa mga nahisgutan kay nabiktima pa sa ila mismong mga kaila or close contact mapa pamilya man o paryente.
Nasuta sab sa buhatan nga posible sab nga mahitabo ang pagpangabuso dili lang sa gawas apan sulob na sab sa ilang mga panimalay.
Nahadlok man ang kasagaran sa mga biktima nga idangop ang ilang nasinatian apan duna pud sila’y katakos ug katungod nga ipadayag kini ngadto sa mga hingtungdang ahensya.
Nag-awhag karon ang buhatan nga tabangan ang mga biktima pinaagi sa pagtugyan sa mga susamang kaso sa kapulisan o hingtungdang ahensya sa hinaling panahon aron masugpo ang mga nagataas nga kaso sa pagpanglugos.
via || Bombo LJ Florendo
