DAVAO CITY – Muabot na sa P27 million ang napang-apud-apod na educational assistance sa Department of Social Welfare and Development o DSWD XI sa tibouk Davao region as of August 27.
Ang nahisgutang ayuda ang ilalom sa Assistance to Individuals in Crisis Situations o AICS program sa buhatan. Kahinumduman nga anaa na sa duha ka Sabado ang pag-apud-apod sa DSWD og tabang pinansyal ngadto sa mga kabus nga estudyante diin gisugdan kini niadtong Agosto 20 ug gipadayon niadtong Agosto 27 ug laing hugna na usab sa pay-out ang ipahigayon ugmang adlawa, Setyembre 3, 2022.
Sa datos gikan sa DSWD-11, ning kasamtangan, anaa na sa 11,023 ka mga estudyante ang nahatagan gikan elementary hangtud kolehiyo. Ang pay-out sa educational assistance ang magpadayon matag adlaw’ng Sabado hangtud Setyembre 24.
0Sa pikas bahin, subling nagpahimangno karon ang buhatan sa publiko nga dili makig-transaksyon ug likayan ang mga “fixers” nga nagtanyag og tabang sa mga aplikante nga iproseso ang ilang AICS educational cash aid.
