DAVAO CITY – Gipanawagan ni Committee on Environment and Natural Resources chairperson ug Davao City 1st District Councilor Tek Ocampo ang pagprotekta sa mga watersheds sa dakbayan pinaagi sa paggama og usa ka sugyot balaudnon sa syudad nga nagtumong ideklara ang Panigan-Tamugan Watershed isip protected area.
Sumala pa ni Ocampo, tumong sa maong ordinansa nga dili tugtan ang bisan unsang pamaagi sa pag-guba sa maong lugar nga gikonsiderang usa ka water source, sama na lamang sa deforestation, paglabay og basura, ug pagtukod og balay duol sa sapa sa Tamugan.
Pamaagi sab nila kini aron mamentina ang taas nga water quality sa tubig ilabi na nga maigo kini sa pagatukurong Davao City Bulk Water Supply Project.
Nagpaabot una ang konsehal sa mamahimong report gikan sa Agua Infrastructura Inc. ug uban pang ahensya aron sugdan ang pagtuon sa paghimo og ordinansya gikan niini.
via || Bombo LJ Florendo
