DAVAO CITY – Nagsugod na niadtong Lunes ang preliminary investigation sa prosecutors office sa nahitabong pagpusil patay sa Non Uniformed Personnel kon NUP-Doctor nga si Marvin Rey Andrew Pepino ngadto sa 19 anyos nga estudyante nga si Amierkhan Mangacop.
Sumala kang Police Maj. Atty. Eudisan Gultiano, tigpamaba sa Police Regional Office XI, napasang-at na ang kasong murder nga giandam sa San Pedro PNP ngadto sa prosecutors office apan na hold matud pa ang inquest proceeding gumikan nag request ang kampo sa akusado og preliminary investigation diin molungtad kini og 15 ka adlaw.
Ilawom sa Preliminary investigation kinahanglan nga mag presenta ang kampo sa biktima ug kampo sa suspek og ebidensya aron madetermina ang probable cause sa krimen.
Busa sa karon gipaabot pa ang resolusyon sa prosecutors office. Samtang automatic leave of absence na si Dr. Pepino kinsa kasamtangang anaa sa costudial facility sa San Pedro PNP.
By Bombo Alliane Silao
