DAVAO CITY – Gikumpirma sa usaka opisyal sa 1001st Infantry Brigade (IB) sa Philippine army nga gi-abandona na sa top leader sa rebelding grupo nga New People’s Army (NPA) ang iyang mga kaubanan ug milayas dala ang kuwarta sa grupo nga nagkantidad ug halos 6 ka milyon ka pesos.
Gikanayon ni Brig. Gen. Jesus Durante III, commander sa 1001IB, nga gikareport nga si Eric Jun Casilao alias “Elian” o “Wally,” ang secretary sa Southern Mindanao Regional Committee (SMRC) ang mibiya na sa munisipalildad sa Maragusan niadto pang bulan sa Abril.
Subay sa pahayag sa mga surrenderers, gibiyaan sila ni Casilao uban sa usaka alyas Oly ug sa lain pang babae, ug sa karon wala sumala pa sila masayud kung unsa na ang plano niini alang sa SMRC.
Dugang pa sa mga ming-surrender nga gihatagan lamang sila ni Casilao ug tag-singko mil ka pesosz matag usa, ug dali nga mibiya paingon sa wala nila masayri nga dapit.
Apan, gibarugan ni Durante nga bisan pa man niini, wala lamang gihapon sila nawad-an ug paglaom ug ipadayon lamang gihapon nila ang ilang monitoring pinaagi sa mga kaila ug higala niini ug sa mga tawo nga iyang gikahimamat sanglit nagtuo ang military nga nagpabiulin gihapon sa Davao region si Casilao ug sa dili madugay mahhulog lamang gihapon kin sa mga kamot sa kasundlauhan.
Gipasalig sa opisyal nga sa higayon nga makakuha ug kompirmasyon sa gikahimutang sa maong NPA leader, andam ang ilang tropa sa paghimo ug aksiyon.
Nagpabilin sumala pang nakadeploy karon ang tropa sa militar sa Maragusan ug sa New Bataan sa Davao de Oro aron pag-neutralize sa nahabilin pang mga sakop sa Guerilla Front 2.
Nakighi-usa sumala pa karon ang military sa Philippine National Police ug sa uban pang major stakeholders aron matultulan ug masikop si casilao sa labing madali nga panahon una molingkod ang bag-ong administrasyon.
Kahinudmumannga niadtong Enero, mitanyag ang gobyerno ug lima ka milyon ka pesos nga ganting salapi alang sa pagkasikop kang Casilao kinsa giilang sumusunod sa napatay nga si Menandro Villanueva alias “Bok.”
Nag-atubang si casilao ug mga kasong kriminal sama sa kidnapping, serious illegal detention, ug duha ka ihap sa murder.
