DAVAO CITY – Subling nakasinate ug pagtay-og ang pipila ka bahin sa Davao region ug kasikbit nga mga lalawigan kagahapon sa hapon.
Sumala sa Philippine Volcanology and Seismology (Philvocs) nabati ang magnitude 6.0 nga linog bandang 4:21 kagahapon sa hapon diin aduna kini gilawmon nga dos kilometros.
Sentro sa nahisgutan nga pagtay-og ang 147 km sidlakan sa Tarragona Davao Oriental. sa mga Reported Intensities anaa sa Intensity III – Malungon, ang Alabel, Sarangani; Davao City; Tampakan, South Cotabato; Intensity II – Tupi, South Cotabato; General Santos City; Kiamba, Sarangani; Intensity I – Santo Niño, South Cotabato; Palimbang, Sultan Kudarat samtang sa Instrumental Intensities anaa sa Intensity III ang Malungon ug Alabel, Sarangani; Intensity II ang Davao City; Tupi, Koronadal City, South Cotabato; Glan, ug Kiamba, Sarangani; Nabunturan, Davao De Oro samtang Intensity I – T’boli, South Cotabato; Maasim, Sarangani; Kidapawan City, Cotabato; ug Kidapawan City.
Sumala sa Philvocs walay laoman nga kadaut apan padayon nga mabatok ang mga aftershocks. Kagahapon sa buntag nakasinate sab ug kusog nga linog ug sunod-sunod nga aftershocks ang pipila ka bahin sa Davao region.
Kahinumduman nga nagapahigayon ang mga hingtungdan nga ahensiya sa kagamhanan ug mga earthquake drills kini arun adunay igong kaandam ang publiko sa higayon nga aktwal ng masinatian ang susama nga kalamidad.
