DAVAO CITY – Andam na ang ahensiya sa Commission on election (Comelec) Davao region alang sa ipahigayon nga final testing and sealing sa mga Vote Counting Machine (VCM) nga gihatud na sa tagsa-tagsa ka mga public schools sa rehiyon.
Una ng gibutyag ni Atty. Gay Enumerables, Atty. Regional Director sa Comelec nga anaa na karun sa 80 porsyento nga nahatud ang mga VCMs sa mga tulonghaan ug 24 oras kini nga bantayan sa 2 ka mga sakop sa kapulisan ug tulo ka mga auxiliary.
Kabahin pa gihapon ang maong lakang sa pagpangandam alang sa nagsingabot nga May 9, 2022 National and Local elections.
Gawas sa mga VCMs, kalakip sab niini ang mga baterya nga magsilbing back-up aron nga magpadayon pa gihapon ang pagboto bisan pa man kung adunay masinatian nga brownout.
Samtang una na sab nga gibutyag ni Davao City Police Office (DCPO) acting City Director Pol. Col. Alberto Lupaz, hapsay ang ilang paghatud sa mga VCMs ingon man andam na sab ang kapulisan sa ipatuman nga seguridad sa dakbayan sa adlaw sa eleksiyon bisan nga walay natala nga mga dakong insidente siyudad panahon sa pinili-ay sa milabay nga mga katuigan.
Gani malampuson sumala pa nga nahatud sa kapulisan ang mga VCM sa mga lagyong lugar sa siyudad sukad sa milabay nga adlaw.
