DAVAO CITY – Naglaum karon ang lalawigan sa Davao del Sur nga mubalik paglambo ang turismo sa lugar kini human nga gipalambo pa karun ang pipila ka mga lakang dungan sa pagpalu-ag sa mga restrictions.
Nasayran nga sa milabay nga bulan sa Pebrero, anaa sumala pa sa kapin 350,000 day-tour visitors ang ilang natala.
Kalakip sa maong ihap ang gilangkuban sa 168 foreign nationals gikan sa nagkadaiyang bahin sa nasod sa tibuok kalibutan sama sa United States of America, United Kingdom ug India.
Sumala pa kang Kervin Joseph Elijay, head of the Provincial Tourism Development and Promotions Office of Davao del Sur, nga ang ilang buhatan nakatala sab ug 97,925 tourists kalakip na ang 194 foreign nationals nga mas gipili ang pagpabilin sa mga nagkadaiyang tourist destinations sa probinsiya.
Nakatampo sumala pa ug daku niini mao ang promosyon nga gihimo sa provincial, city ug municipal tourism offices ilabi na sa mga tourist spots sa Digos City ug municipalities sa Sta. Cruz, Bansalan, Matanao, Sulop ug Malalag.
Kalakip sumala pa mga dinadayo sa lugar ang pagsaka sa Mt. Apo sa mga buot ug highland leisure destinations diin subayon kini sa Barangay Kapatagan, Digos City, Sta. Cruz ug Bansalan.
Sagad sab nga bisitahon sa lugar ang natural water-falls ug caves nga anaa sa Matanao ug Sta. Cruz.
Una na sab nga nagpagula ug PTDPO Davao del Sur ug tourism video diin sentro niini ang gugma sa probinsiya diin nakadawat sab kini ug daghanang positive reception sa social media.
Target sa maong video ang mga overseas Filipino workers sa Davao del Sur nga mag-awhag kanila sa pagbisita sa maong lalawigan.
