DAVAO CITY – Gipangandaman na karon sa lokal nga kagamhanan ang pagpalig-on pa sa nagpadayon nga vaccination campaign roll out partikular na ang weekend vaccination drive alang sa mga minor de edad nga 12 ngadto na sa 17 anyos nga ug mga hamtong ingon man sa mga indibidwal ug mamumuo nga dili maka-break sa ilang trabaho matag weekdays.
Lauman nga masugdan na kini karung nagsingabot nga weekend human nga natapos na karun sa lokal nga kagamhanan ang gikinahanglan nga mga logistics ug ang i-deploy nga mga personahe sa lugar.
Sumala pa kang Dr. Michelle Schlosser, tigpamaba sa Covid-19 Task Force, nga usa sa pinakaayo nga vaccination site ang Crocodile Park alang sa mga adunay sakyanan.
Hinuon mamahimo sab sumala pa nga makapabakuna sa mga fixed vaccination sites ug door-to-door vaccination.
Gi-awhag sab niini ang mga Dabawenyo nga magpabooster shots atol sa weekend vaccination drive ilabi na kadtong dili na busy sa ilang trabaho.
Una niini, nagpasalamat ang lokal nga kagamhanan ingon man ang ahensiya sa Department of Health Davao sa mga mipartisipar sa gipahigayon nga Bayanihan Bakunahan part 4 sa milabay nga semana.
