DAVAO CITY – Giaresto sa PRO XI ang kanhi pulis nga nangilkil sa mga PNP applicant.
Giila ni PBGen. Benjamin Silo Jr ang suspek nga si Jenlee B Corpuz.
Nangilkil matod pa ang nahisgutan sa “PNP recruitment for a fee” diin mukabat sa kapin 170 PNP applicants ang nabiktima.
Sumala kang PBGen. Silo ang suspek kanhi myembro sa PNP nga dunay ranggo nga Police Officer 2 kinsa nadestino sa PRO 10 og nadismiss matod pa niadtong 2018 gumikan sa 11 counts sa grave misconduct.
Subay sa report mukabat sa 75 mil pesos ang pangayo sa suspek ngadto sa kada isa ka PNP applicants aron maapil kini sa PNP quota nga dili na kinahanglan muagi sa insaktong recruitment procedures.
Alayon niini hugot ang pasidaan ni PBGEN SILO sa mga police applicants nga dili magpailad sa sama ni Corpuz kay ang PRO 11 nagapatuman sa striktong protocol sa PNP recruitment og selection process.
Wala matod pay easy money or any money scheme balos sa slot sa PNP quota.
