DAVAO CITY – Gipasalig karun sa executive members sa Davao Oriental Provincial Peace and Order Council (PPOC) nga palig-unon pa nila ang ilang pagpaningkamut arun nga masiguro nga han-ay ug malinawon ang pagpahigayon sa eleksiyon sa Mayo sa lalawigan.
Usa sa mga himuon nga lakang mao ang pagpakiglambigit sa mga nagkadaiyang ahensiya sa kagamhanan ingon man pagtamud sa bag-ong guidelines ug mga polisiya sa Commission on Elections (COMELEC) aron masiguro ang patas, luwas ug malampuson nga pagpatuman sa election sugod sa campaign period hangtud na sa mismong adlaw sa eleksiyon.
Sumala pa kang Comelec Provincial Election Supervisor Lawyer Krisna Samantha Caballero, nga kabahin sab sa angayan nga himuon mao ang paghatag ug orientation sa security sectors kalabot sa campaign guidelines ug prohibitions nga gilangkuban sa house-to-house campaigning ug panagtapok nga supak sa minimum public health protocols.
Gipasalig sa kasundalohan ug kapulisan nga ipabilin sa kahusay ug seguridad sa election period sa lalawigan.
Gawas sa security forces, una na sab nga mitambong sa panagtigum ang Department of Interior and Local Government (DILG) ug uban pang mga ahensiya sa kagamhanan.
