DAVAO CITY – Napasakahan na ug kaso ang usa ka 43 anyos nga lalaki nga nakuhaan ug kantidad sa kapin 77 mil nga illegal nga druga samtang milatas sa Task Force Davao checkpoint sa Lasang, Bunawan ning dakbayan.
Una ng nagpahigayon ug inspeksiyon ang mga personahe sa otoridad sa mga pasahero sa bus nga padulong dinhi sa dakbayan.
Dihang ilang gihiling ang suspek ug pasahero nga si Marlon Dela Cruz Marqueda , 43 anyos, residente sa Purok 1-A Apokon, Tagum City, Davao Del Norte, narekober sa iyang posisyon ang bulto nga pakete sa illegal nga druga nga mutimbang ug 4.85 grams ug adunay street value nga P77,600.00 Pesos.
Gidayeg ni Task Force Davao Commander Colonel Darren E. Comia ang otoridad gumikan kay ilang nahimo ug tarung ang ilang mandato.
Gibarugan niini nga dili welcome dinhi sa dakbayan ang mga illegal nga druga hinungdan nga hugtanon ang ilang pakiglambigit sa DCPO aron nga mapalig-on pa ang pagpatuman sa security measures sa tanan nga mga border control points sa dakbayan ug masiguro nga walay illegal nga kontrabando ang makasulod sa siyudad.
Dungan sa iyang pagkasikop, diretso sab dayon nga gi-endorso ang suspek ug mga nakuhang ebidensiya sa Bunawan Police Station.
