DAVAO CITY – Nagpahimangno karon ang taas nga opisyal sa militar batok sa komunistang grupo gumikan kay target ang mga nahisgutan sa mas hugot nila nga operasyon.
Tipik lamang ang pahayag ni Brigadier General Jesus Durante, commander sa 1001st Infantry Brigade Philippine Army, human ang ulahing insidente diin nagka-engkuwentro ang mga sakop sa New People’s Army (NPA) sa milabay nga semana human ang sunod-sunod nga engkuwentro sa bukiron nga bahin sa Davao de Oro. Sumala sa 10th Infantry Division (10ID) sa Philippine Army, lima ka mga NP NPA members ang napatay sa maong insidente sa Purok 8, Barangay Andap, New Bataan, Davao de Oro.
Una ng naila ang mga nahisgutan nga sila si Jojarain Alce Nguho II alias Rain, Chad Booc alias Chad, usa ka alias Daday ug duruha ka pa ka mga lalaki nga wala nailhi.
Kahinumduman nga si Booc usa ka Math teacher sa Lumad school nga una ng gipasirad-an sa Surigao del Sur, ug una ng nasikop sa Central Visayas police human nga nalambigit kini sa pagdala sa indigenous peoples (IP) nga mga bata saDavao del Norte paingon sa Cebu kaniadtong February 15, 2021.
Gitataw ni Durante nga nakakuha na ug intelligence information ayha nahitabo ang engkuwentro nga ang nahisgutan nga grupo sa mga magtutudlo ang adunay kalambigitan sa NPA unit sa Southern Mindanao kaniadtong Disyembre 2021.
Hinuon nagpadayag sa iyang pahasubo ngadto sa pamilya ang opisyal ug ang tibuok puwersa sa militar gumikan sa gidangatan sa mga nahisgutan.
Kahinumduman nga sunod-sunod na ang gihimong operasyon sa kasundalohan batok sa mga gitudlong lider sa NPA sama na lamang kang Menandro “Bok” Villanueva, usa ka ranking NPA leader sa Davao region sa milabay nga Eneroi niining kasamtangan nga tuig nga usa sumala pa ka dakung kalampusan sa ilang han-ay.
Samtang nagpadayon pa sab karon ang ilang pagpangita sa laing pa nga lider nga si Eric Casilao ug asawa niini ug grupo.
Sila sumala pa ang mga ulahing lider nga gipangita sa otorodad ilalom sa Southern Mindanao regional committee dinhi sa Mindanao.
Una na sab nga gitawag sa Save Our Schools (SOS) Network, ang nahisgutan nga insidente isip “bloody massacre.”
