DAVAO CITY – Gibutyag sa Police Regional Office (PRO)-11 nga adunay pipila ka mga kapulisan sa Davao region ang gidestino ug gibalhin sa uban nga lugar sukad nga nagsugod ang campaign period kaniadtong Enero 9, 2022 kini tungod aduna sumala pay mga paryente ang mga nahisgutan nga nagpapili sa eleksiyon sa bulan sa Mayo.
Gikanayong anaa sa pito ka mga commission officer ug 70 ka mga non commission officer ang gidestino sa uban nga mga police station apan dili kini layo sa ilang dapit.
Samtang una na sab nga gibutyag ni Pol. Maj. Ma. Teresita Gaspan, tigpamaba sa Davao City Police Office (DCPO) nga dinhi sa dakbayan sa Davao wala sumala pay gibalhin ug lain nga mga police station gumikan kay gawas nga walay mga kabanay nga mga politiko, kanunay sab nila nga gipahimangnoan ang ilang mga sakop nga kinahanglan a-political ug non partisan ang mga kapulisan o dili maglabot-labot sa pulitika.
Una na sab nga nagpahimangno si PNP Chief Pol. Gen. Dionardo Carlos nga dili siya pagpanuko nga papahawaon sa katungdanan ang mga kapulisan nga malambigit sa kalihokan sa mga pulitiko.
