DAVAO CITY – Gikanayon ni National Economic and Development Authority (Neda)-Davao Regional Director Maria Lourdes Lim nga wala sumala pa silay natalang Covid-19 cases samtang gipahigayon ang limited face-to-face (F2F) classes sukad kaniadtong Nobyembre 15 hangtud Disyembre 17, 2021.
Sumala pa kang National Economic and Development Authority (Neda)-Davao Regional Director Maria Lourdes Lim, walay kaso sa Covid ang gikatala sa siyam ka mga participating schools sa rehiyon.
Gibutyag sab ni Department of Education (DepEd)-Davao Regional Director Allan Farnazo nga wala sumala pay gika-report nga adunay nagbalatian gumikan sa kalit nga pagbag-o sa klima.
Gikanayon sab sa ahensiya nga anaa sa 186 ka mga tulonghaan latas sa rehiyon ang mangabli alang sa expansion sa face to face classes apan ipatuman kini sa Alert Level 3 status sa nagkadaiyang parte sa Davao hinungdan nga nalangan ang pag-abli sa klase.
Ang mga kwalipikado nga mga tulonghaan ang otomatiko sab nga mangabli sa higayon nga ang alert level status sa lugar ang anaa na sa level 2 o mas ubos pa.
Sa kasamtangan anaa unta sa 46 ka mga tulonghaan sa Davao Occidental, 35 ka mga eskwelahan sa Davao del Sur, 23 ka tulonghaan uban ang private school sa Davao de Oro, 16 ka mga tulonghaan sa Davao Oriental, upat sa Davao del Norte ang angayan unta nga mangabli alang sa F2F expansion.
Kalakip sab niini ang lima ka mga tulonghaan dinhi sa dakbayan sa Davao , napulo ka tulonghaan uban ang unom ka mga private schools sa Digos City, 20 schools sa Island Garden City of Samal, 21 schools sa Tagum City, lima ka tulonghaan sa Panabo City ug usa ka tulonghaan sa Mati City.
Sa kasamtangan ang mga tulonghaan adunay naka-ong-ong nga endorsement sa ilang local government units gumikan sa compliance sa safety school assessment.
