DAVAO CITY – Gi-angkon sa pamunoan sa Southern Philippines Medical Center (SPMC) nga milampas na karon sa ilang kapasidad ang ilang isolation facilities nga nag-atiman sa mga obstetrics and Gynecologist patients nga susamang nagpositibo sa Covid-19.
Kini sumala pa ang rason nga gitambagan sa SPMC ang mga pasyente nga mas maayong mutawag una sa One Hospital Command Center (OHCC) arun masiguro ang tukma ug organisado nga pagbalhin o pag-refer sa mga pasyente sa uban nga pasilidad nga mamahimong maka-atiman sa mga nahisgutan.
Kahinumduman nga misaka na sab karon ang ICU ug ward beds capacity sa SPMC human nga nasinatian na sab sa siyudad ang surge sa covid-19 hatud sa daghanang pasyente nga gidala sa maong balay tambalanan.
Gawas niini, usa sab sa suliran nga gi-atubang karon sa SPMC ang pipila ka mga medical health workers nga nagpositibo sa covid-19 hinungdan nga dili sab igo ang mga motutok sa kahimtang sa mga pasyente.
