DAVAO CITY – Subling nanawagan si Davao City Mayor Inday Sara Duterte sa mga Dabawenyo nga eligible na sa booster shots nga dili na mopili ug brand alang sa ilang ika-tulo nga pagpabakuna o booster shots, inay dawaton na lamang kung unsa man ang available sa mga vaccination sites.
Gikatarungan ni Mayor Inday Sara nga sobra ka limitado ang supply sa bakuna karong panahon dinhi sa dkabayan sa Dabaw ug gumikan sa gilauman nga pagsaka sa ihap sa mga tawo nga magka-covid, urgent ang booster shots alang sa mga nag-tulo ka bulan na o kapin sukad nahuman ang ilang 2nd dose.
Dugang pa sa mayor nga adunay nahabiling supply sa Pfizer vaccines sa syudad, apan gi-reserba kini alang sa vaccination sa pedictrict population o kadtong mga bata nga nag-edad ug 12 hangtud 17 anyos ang panuigon.
Kabahin sumala pa sa pagpangansdam sa syudad sa gilaumang surge sa kaso sa covid 19 karong bulana ang paghatag ug booster shots, hinungdan nga gipang-abrihana na karon ang mga booster lanes sa tanang mga fixed vaccination sites sa dakbayan sa dabaw.
Gipamugos ni Mayor Inday Sara nga angayangf dilimlamang baliwalaon sa publiko ang booster shots sanglit maghatag kini ug dugang proteksiyon sa lawas gikan sa grabe nga mga simtomas sa covid 19.
