DAVAO CITY – Gipagawas na sa Professional Regulation Commission ang resulta sa September 2021 Licensure Exam for Teachers kon LET sa Elementary ug Secondary Levels.
Gipahigayon ang LET niadtong Setyembre 26 sa 26 sab ka testing centers sa tibuok nasud.
Dunay mga education graduate nga gikan sa Davao Region ang nakasulod sa listahan sa Topnotchers’ List sa Elementary ug Secondary Levels.
Unom ang nakasulod sa listahan alang sa Elementary level nga gilangkuban nila: 2nd Placer Renalyn Senoy Bangonon gikan sa Rizal Memorial Colleges, 3rd Placer Jochelle Mae Sucuano sa Assumption College of Davao, 4th Placer Liezel Soncio Peroy ug 5th Placer April Joyce Molicia Damalerio gikan Compostela Valley State College, 8th Placer Jerrick Ngoho Escropolo sa University of Southeastern Philippines, ug 9th Placer Mary Joy Asne Leyte gikan University of Mindanao-Tagum.
Samtang, pito ang nakasulod sa susamang listahan sa Secondary level nga gilangkuban nila: 3rd Placers Carl Joshua Almoite gikan University of Southeastern Philippines ug Norelyn Sumbo Legara sa University of Mindanao, 4th Placer Kenneth Alfonso Regis sa University of Mindanao, 5th Placer Alleander Kate Largo Gicale ug 6th Placer Arzelo Denila Rivas sa University of Southeastern Philippines, 9th Placer Mary Grace Moga Adolfo sa Compostela State Valley College, ug 9th Placer Donald Joseph Ybias Medija ug 10th Placer Quinnie Nifcille Cortal Dalnay gikan University of Mindanao.
Sa LET Elementary Level, 4,883 gikan sa 8,726 examinees kon 55.96% ang nakapasa, ug 3,908 niini ang first timers ug 975 ang repeaters.
Samtang sa LET Secondary level, 10,318 sa 17,863 examinees kon 57.76% ang nipasar, ug 9,286 niini ang first timers ug 1,032 ang repeaters.
