DVAO CITY – Ginasusi na karon sa Police Regional Office 11 ang mga dapit sa Davao Region nga posibleng mamahimong Election Watchlist Areas kon EWAs, nga mga lugar usa na dunay grabeng bangi sa politika nga hinungdan pa sa mga kagubot o di kaha pinatyanay.
Ila usab gisubay ang mga listahan sa EWAs sa mga milabay’ng piniliay.
Nagpasalig usab ang tigpamaba sa PRO XI nga si Police Major Eudisan Gultiano, nga sa higayong aduna sila’y matino nga EWAs sa Rehiyon, nga ila king bantayan aron malikayan ang mga election-related violence taliwala sa nagapadayong COVID-19 Pandemic.
Nagapadayon usab ang ilang imbentaryo sa ilang mga sakop nga gidestino aron magbantay sa mga incumbent official.
Nagapadayon usab ang ilang pagproseso sa uban pang mga hangyo sa mga politiko alang magahinan og security detail tungod adunay mga pagpanghulga sa ilang kinabuhi.
Gilauman na usab nga mas muinit pa ang mga bangi sa politika samtang nagapaduol na ang filing sa Certificate of Candidacy kon COC sunod Biyernes, unang adlaw sa Oktubre 2021.
Magsugod usab ang election period sa Enero 9, 2022.
