-- ADVERTISEMENT --
DAVAO CITY – Miulbo ang sunog sa usa ka panimay sa Elenita Heights sa Catalunan Grande, Davao City pasado alas 5:30 kagahapon sa hapon.
Gipanag-iyahan sa usa ka Dina Bayog ang naugdaw na panimalay, sumala sa Fire Investigator sa Talomo Bureau of Fire Protection nga si Fire Officer 3 Nicanor Hernandez, Jr.
Dugang pa ni Hernandez, walay tawo sulod sa naabong panimay gumikan kay nanglakaw ang pamilya ni Bayog.
Subay sa assessment sa Talomo BFP, mukabat ngadto sa kapin tunga ka milyones pesos ang damyos sa maong pag-ulbo sa kalayo.
Padayon pa gihapon sa kasamtangan ang imbestigasyon sa Talomo BFP kalabot sa hinungdan sa maong sunog.
-- ADVERTISEMENT --
