DAVAO CITY – Nakiglambigit na karon ang Police Regional Office (PRO)-11 sa ahensiya sa Department of Health (DOH) alang sa plano nga himuong vaccination site ang kampo sa kapulisan dinhi sa dakbayan sa Davao.
Una ng gibutyag ni Pol. Major Eudisan Gultiano, tigpamaba sa Police Regional Office (PRO)-11 nga andam sumala pa ang kapulisan sa maong sugyot ilabi na nga kini ang nahimong kamandoan kanila ng PNP Chief Guillermo Eleazar.
Sa kasamtangan hisgutan pa sa PRO-11 kung pila ka mga kampo sa Davao region ang ilang himuon nga vaccination site apan usa sa mamahimong pili-an ang Camp Catitipan gumikan kay gawas nga aduna kini gym, aduna sab kini hospital diin mamahimong dad-on ang pasyente sa higayon nga makasinate kini ug adverse sa bakuna.
Kalakip sab sa ilang gi-andam karon ang mga pulis nga adunay medical background aron nga motabang sa pag-assist sa higayon nga sugdan na ang pagbakuna sa mga kampo sa PNP.
