DAVAO CITY – Sigurado na matud pa nga masugdan sa ahensiya sa Department of Public Works and Highways (DPWH) ang gihandum nga 2 (2.3) kilometer tunnel Davao City Bypass Road Project sa Southern Mindanao.
Una ng gibutyag sa ahensiya nga sugdan ang tunneling sa umaabot nga bulan sa Hulyo ning tuig kasamtangan.
Una ng nasayran nga gipondohan ang nahisgutan nga proyekto sa Official Development Assistance (ODA) sa nasud Japan ilalom sa Japan International Cooperation Agency (JICA).
Kahinumduman nga miabot na karon sa nasod ang mga makina nga gamiton alang sa konstruksyon sa road tunnel.
Gikanayong ang nahisgutan nga bypass road, adunay gitas-on nga 45.5 km diin gitunga kini sa unom ka packages.
Magsugod kini sa Davao-Digos Section sa Pan-Philippine Highway sa may Brgy. Sirawan, Davao City hangtod na sa Davao-Panabo section partikular na sa Brgy. Laurel sa Panabo City.
Sa higayon nga matapos na ang nahisgutan nga proyekto, makatabang sumala pa kini aron nga mahatagan ug kasulbaran ang paghuot sa dagan sa trapiko sa siyudad diin gikan sa halos duruha ka oras nga biyahe, mahimo na lamang kining 49 minutos.
