DAVAO CITY – Padayon ang imbestigasyon karon sa Sta. Cruz Municipal Police Station sa pagkalaumos patay sa usa ka 5 anyos nga babaye human nga naligo kini sa swimming pool kaniadtong May 1, 2021 sa L-Circullo Seablue Garden Resort sa Barangay Cornon, Sta. Cruz, Davao del Sur.
Gikahisubo na lamang sa ginikanan ang kamatayon sailang anak human nga nakaplagan na lamang kini nga naglutaw ang patay’ng lawas.
Una ng giila ang biktima nga si Abegail Ading Julian, residente sa Barangay Zone II sa nasampit nga lalawigan.
Subay sa imbestigasyon sa kapulisan nga igo na lamang nabantayan ang biktima nga wala nay panimuot nga anaa sa pool nga dunay gilawmong 4 feet apan gisulayan pa kini og luwas og gidala sa ospital apang gideklara na kining dead on arrival.
