DAVAO CITY – Nagpadayag sa iyang dakong pagpasalamat si Task Force Davao (TFD) commander Col. Consolito Yecla sa mga mitabang sa Task Force aron lamang madali ang pagsikop sa usa ka Zyronne Manansala kinsa misulay pag-ikyas dihang ipailalom unta kini sa inspeksiyon sa TFD nga Sirawan Toril ning dakbayan kagahapon sa buntag.
Kahinumduman nga nahitabo ang ginukdanay hangtud nga miabot sa Agton St. Toril ang suspek dala ang iyang gimaheno nga sakyanan ug didto na kini nadakpan.
Narekober gikan sa dinakpan ang kapin 12 gramos nga shabu, mga IDs ug uban pang butang.
Sumala kang Yecla nga mamatikdan gayud nga migamit ug ginadili nga druga ang dinakpan gumikan sa dili maayong lihok niini.
Nagpahimangno na lamang si Yecla sa mga adunay plano nga molusot sa checkpoint nga dili sila magpanuko nga dakpon kini.
Sa kasamtangan, anaa na sa Toril PNP ang dinakpan ug gikatakda nga pasakahan ug kaso
