DAVAO CITY – Luyo sa pag-ubos sa kaso sa COVID-19 cases sa siyudad, wala gipadaplin sa siyudad ang posibilidad nga adunay mahitabo nga mega surge sa transmission sa virus kini dungan sa Lenten season.
Sumala pa kang Davao City Covid-19 Task Force Focal Person Dr. Ashley Lopez, nga mihimo na sila karon ug contingency plan kun ugaling mahitabo sa siyudad ang gisangpotan sa NCR ug Cebu.
Kalakip sumala pa sa contingency plan ang pag-andam sa temporary treatment and monitoring facilities (TTMF), isolation ug quarantine facilities, staffing ug pag-awhag sa mga pribadong ospital ug pagpartisipar ingon man pag-alokar sa hospital beds alang sa COVID-19 patients.
Nagsugod na sab karon ang Task Force sa pagpatuman ug Expanded Mandatory Testing sa tanan nga mga close contacts sa tanan nga level sa Covid-19 positive patient.
Kahinumduman nga nakasinate ang siyudad ug pag-ubos sa kaso sa COVID-19 sa milabay nga 14 ka mga adlaw.
Gikanayon sab sa opisyal nga mas daghanang testing ang ipahigayon dinhi sa siyudad ug daghanan nga Task Force ang maka-assess sa COVID-19 situation sa dakbayan.
Gawas sa expanded mandatory testing, gipahugtan sab sa Task Force ang case finding ug influenza-like illness (ILI) ingon man acute respiratory infections (ARI) surveillance.
Nanawagan na lamang kini sa Dabawenyos nga makasinate ug sintomas nga susama sa covid-19 nga moadto sa pinakaduol nga District Health Office ug magpa-schedule alang sa swab testing.
