DAVAO CITY – Gibutyag sa Davao City Police Office (DCPO) nga namatikdan niini nga mitaas ang compliance rate sa mga indibidwal sa pagpakita sailang Safe Davao QR Code (DQR) atol sa gipahiyagon nga QR scanning sa mga quarantine control point sa dakbayan sa dabaw.
Base sa datus sa DCPO nga gikan sa bulan sa Nobyembre 24, anaa lamang sa 68 percent ang compliance rate sa mga indibidwal nga nagapakita og DQR code apan sa sulod lamang sa lima ka adlaw mitaas kini kung diin mikabat na sa 99 percent ang compliance rate niini nga bu-ot musulod ug mugawas sa dakbayan.
Kahinumdoman nga sugod kaniadtong Nobyembre 23, 2020 gipatuman ang QR scanning sa tanang checkpoints sa dakabayan.
Sumala sa pamahayag sa Task Force Davao Commander Col. Consolito Yecla nga gahapong adlawa anaa sa 41,456 ka mga indibidwal ang ihap nga misulod sa syudad, 50 percent niini ang aduna nay DQR code apan pipila gihapon ang wala pa nagbaton sa maong mando.
