DAVAO CITY – Dakpan sa gilusad nga operasyon sa mga sakop sa Criminal Investigation and Detection Group (CIDG) sa pagpanguna ni PMAJ MILGRACE DRIZ ug RFU11 personnel and Sta. Ana PS ang duruha ka mga indibidwal nga namaligya ug mga tangke sa LPG gas nga walay igong pagtugot gikan sa kompanya.
Gikanayong naga-refill ug tangke sa LPG ang mga dinakpan nga nailang sila si GREGORIO VELASCO BAGUMBABA II ug MARVIN LYON SALVADOR.
Gilusad ang operasyon sa Loyola St., Obrero ning dakbayan sa Davao. Gilusad ang entrapment operation nga miresulta sa pagkasikop sa mga nahisgutan nga aktong nag-refill sa mga nagkadaiyang cylinder tanks nga walay igong pagtugot gikan sa DOE.
Narekober sa otoridad ang usa ka Prygas Tank(11kgs) nga gibaligya ug Php 800.00 ; (1) empty Petron Gasul Tank (50kgs); (5) full Solane (11kgs); (4) full Phoenix Super Gasul (11kgs); (1) empty Petron Gasul (22kgs); (11) empty Petron Gasul (11kgs); (1) full Prycegas (7kgs); (2) full Petron Gasul (7kgs); (1) empty Petron Gasul (7kgs); (3) refilling gadgets; one thousand pesos nga cash; usa ka cash invoice receipt; nagkadaiyang plastics seal sa Solane, Prycegas, ug Petron Gasul; usa ka (1) empty Prycegas Tank (11kgs); (1) full Prycegas Tank (11kgs); (5) full Solane Tanks (50kgs) ug (10) empty Solane Tanks (50 kgs).
Balhug karon sa presohan ang mga dinakpan ug nag-atubang ug kasong kalapasan sa R.A. 5700 ug R.A. 8293. Giduso ang reklamo pinaagi sa electronic inquest procedure sa City Prosecutor’s Office.
