DAVAO CITY – Miabot na sa full capacity ang gi-alokar nga holding areas alang sa mga pasyente nga na-admit sa usaka pribadong ospital sa syudad kinsa adunay respiratory tract signs ug symptoms.
Sa gipagawas nga pamahayag, gikanayon sa Davao Doctors Hospital nga napuno na ang ilang holding areas ug gitambagan niini ang publiko nga sa higayong mag-inquire moagi na lamang sa ilang Telemedicine numbers.
Hinuon, nagpabilin sumala pa nga abri ang ospital aron i-akomodar ang mga non-covid-related out-patient consultations, admissions, surgeries, dialysis, ug ang mga cancer care procedures lakip na ang ilang main Laboratory ug ang Imaging Department niini.
Sa pikas bahin, nagpabiling naa sa critical levels ang ICU ug ward beds sa Southern Philippines Medical Center (SPMC).
Subay sa data, 90% na nga occupied ang ICU bed samtang 90.73% usab ang occupancy rate karon sa SPMC.
Na-una na usab nga gibutyag ni mayor Inday Sara nga plano sa lokal mha kagamhanan ang pagdugang sa Covid-19 beds gumikan sa padayong pagtaas sa covid case sa syudad.
Gumikan sa nagka-taas nga positive cases sa Davao City, ug sa pagkapuno sa bed capacity sa SPMC modawat na ang DDH Temporary Treatment and Monitoring Facility sa Dumoy, Toril ug admission sa mga asymptomatic ug mild Covid-19 cases.
Ang DDH-Dumoy ang ika-duhang Covid-19 facility sa syudad gawas sa SPMC.
