DAVAO CITY – Dead on arrival sa ospital ang usa ka forest ranger sa DENR Mati human nga mingsukol sa sulod sa iyang sakyanan nga Innova sa dihang gipahigayon sa mga operatiba sa Talomo PNP pasado alas 3:00 kagahapon sa hapon sa Mabini, Bangkal Brgy.Talomo Proper ning dakbayan sa Davao ang buybust operation ubos sa pagdumala ni PMaj.Sean Logronio, Station Commander.
Sumala pa ni PMaj.Sean Logronio nga sa dihang gipahigayon ang transaksyon sulod sa sakyanan, nagka-ilugay pa sa iyang armas nga .45 ug nakapabuto pa kini ngadto sa mga operatiba.
Gani gibanggaan pa ang usa ka pulis nga sakay sa motorsiklo. Nakumpiska sa suspek nga si Ronel Revilla ang mga pakete sa iligal nga druga kon shabu nga gibanabanaan nga dunay street value nga mukabat sa P900,000 ug .45 pistol.
Gikonsidera ang nahisgutan nga usa High Value Target ug Top 8 sa drug watchlist sa Davao Region.
Sumala pa kang Logronio nga duruha ka bulan nga gipanid-an sa otoridad ang napatay nga suspek ug nasubay nga sa Norte nga bahin kini nagakuha ug supply ug moadto sa Davao aron dinhi i-deliver ang mga supply.
