DAVAO CITY – Dakpan ang usaka kanhi piniriso sa Maa City Jail kuyog ang usaka babaye atol sa anti-drug operations sulod sa usaka hotel ning syudad.
Giila ni Tugbol Police station commander Major Ricky Obenza ang mga dinakpan nga sila Philip Clint Llano Gerasmio, 36 anyos, usaka online seller ug iyang kauban nga babaye nga si Silqueen Sigue Eslais, 35 anyos pulos mga residente sa Km 10, Suha Village, Sasa ning syudad.
Nakuha sumala pa gikan sa ilang posisyon ang 6 ka sachet sa gikatahapang shabu nga gibana-banang nagkantidad ug P110,000 ug nagtimbang ug 12 gramo.
Gilusad sa kapulisan ang operasyon sa Marion Hotel sa Gravahan Matina diin didto unta mahitabo ang palitay sa druga.
gikanayon ni Obenza nga si Gerasmio naa sa listahan sa Directorial for Intelligence watch list ug na-monitor sa ilang opisina sulod sa halos usaka buwan.
Dugang pa sa opisyal nga ang suspect ang kanhi na na priso sa Maa city jail ug nakagawas lamang niadtong September 2019 human mi- avail sa Plea Bargaining. Gi-andam na usab ang kaso nga ipasaka batok sa mga dinakpan.
