DAVAO CITY-Nanawagan si Davao City Mayor Inday Sara Duterte-Carpio sa publiko nga ipahibalo gilayon sa otoridad ang mga indibidwal nga nagabaligya ug QR code.
Kahinumduman nga sa mosunod nga bulan na gikatakdang sugdan ang pagpatuman ug QR code sa siyudad kini aron nga dali na lamang ang pag-trace sa mga tawo nga posibleng nakahimamat ang tawo nga positibo sa covid-19 o mismong natakdan sa virus.
Sumala pa sa Mayor, angayan sumala pa nga magbinantayon batok sa mga “QR code for sale” ilabi na nga dili sumala pa kini basta-basta nga makopya gumikan kay gi-undan kini ug impormasyon sa usa ka tawo.
Gitataw sab ni Mayor Inday nga kung makakuha na ug QR code, mao na kini ang permanente nga gamiton sa higayon nga aduna pay lain nga mga pandemiya nga mo-igo sa nasod.
