DAVAO CITY – Gipanghimakak sa Public Safety and Security Command Center (PSSCC) nga bahad sa seguridad ang nag-unang rason sa subling pagpatuman sa curfew sa siyudad nga magsugod karong adlawa.
Sumala pa kang PSSCC chief Angel Sumagaysay, nga ang security cluster sa kasamtangan wala sumala pay namonitor nga bisan unsa man nga bahad sulod sa siyudad.
Sa bahin sa opisyal, ang reimplementation sa curfew nagtumong sa Covid-19 measure ug dili tungod sa security threat.
Gani nakatutok sumala pa ang PSSCC sa lihok sa mga tawo ilabi na panahon sa kagabhi-on o sukad nga gitapos sa milabay nga bulan ang curfew.
Base sumala pa sa ilang monitoring, pipila sa mga health protocols ang wala gituman sa mga pampublikong lugar nga maoy hinungdan nga molapad pa ang transmission sa virus.
Gikanayong sukad sab nga gipatuman ang curfew atol sa pagsugod sa outbreak sa Covid-19, miubos sumala pa ang crime volume sa siyudad nga dakong tabang sa bahin sa otoridad.
