DAVAO CITY – Dyutay na lamang karon ang mamatikdan nga namaligya sa Roxas Night market human nga gilimitahan na sab karon sa lokal nga kagamhanan ang oras sa ilang pagpaninda ngadto sa duruha ka oras nga magsugod karong adlawa.
Tipik lamang kini sa gipagulang kamandoan ni Davao City Mayor Inday Sara Duterte-Carpio sa milabay nga adlaw diin subli nga gipatuman ang liquor ban ug curfew house sa dakbayan human namatikdan nga misaka ang ihap sa mga nga nagpositibo sa covid-19 sa dakbayan.
Hinuon adunay pipila ka mga vendors ang nagkanayon nga sulayan pa gihapon nila nga maninda bisan nga dyutay lamang nga oras ang gihatag kanila kini tungod dugay na sab nga panahon nga wala sila mikita tungod kay apektado ang ilang panginabuhian sukad nga nahitabo an outbreak sa covid-19 dinhi sa dakbayan.
Luyo niini pabilin sab ang gipatuman nga hugtanong seguridad sa mga otoridad nga nadestino sa Roxas night market kini aron masiguro pa gihapon ang seguridad sa palibot.
