DAVAO CITY – Sama sa uban nga mga estudyante, apektado sab karon ang pagtuon sa mga peneriso nga nagtuon ilalom sa Education Behind Bars sa Bureau of Jail Management and Penology (BJMP) 11 human nga temporaryo una kini nga gihunong gumikan sa nagpadayon nga bahad sa corona virus pandemic.
Sumala pa kang Jail Capt. Edo Lobenia, tigpamaba sa BJMP-11, nga mihimo na sila ug mga lakang aron nga mapadayon sa mga peneriso ang ilang pagtuon.
Usa sumala pa sa ilang gihimo sa kasamtangan mao ang koordinasyon tali sa University of South Eastern Philippines (USEP) alang sa posibleng pagpatuman sa online modular learning.
Una ng nasayran kang Lobenia nga mukabat sa 50 ka kolehiyo ug kapin 100 sa Alternative Learning System (ALS) ang apektado sa temperaryo nga pagsuspende sa Education Behind Bars.
Sa kasamtangan pabilin sumala pa nga covid-free ang BJMP sa Covid 19 ug gipatuman sab nila ang lockdown aron masiguro nga dili matakdan ang mga peneriso sa kagaw.
