DAVAO CITY – Gipahigayon sa Davao City Tourism operations Office ang usaka virtual meeting tali sa mga event organizer sa dakbayan.
Atol sa nahisgutang virtual meeting gihisgutan ang may kalabutan sa mga guidelines ug ang mga precautionary measures alang sa pagpahigayon ug mga mass gatherings.
Gikanayon ni Generose Tecson, head sa CTOO gikinahanglan pag-ayo sa lokal nga kagamhanan ang hugot nga kooperasyon ug pakig-alayon sa mga event organizer niining panahon sa pandemya.
Gikatarungan sa nahisgutang opisyal, naningkamot ang syudad sa paghimo ug mga lakang aron mapugngan ang pagtakod-takod sa virus ug dili nila buot nga kining tanan ang makawang lamang.
Samtang, nagpadayon lamang gihapon karon ang contact tracing sa mga nahimong bisita sa usaka grandyusong kasal sa adunahang mga pamilya sa syudad diin usa sa mga bisita niini ang nagpositibo sa COVID 19.
Na-una nang gi-anunsiya ni Mayor Sara Duterte-Carpio nga imbestigahan sa City Tourism Operations Office ang maong wedding party gumikan sa pagsupak sa Covid-19 health protocols.
