DAVAO CITY – Gipalawman pa karon sa mga sakop Sasa Police station ang ilang imbestigasyon aron nga masayran ang motibo sa pagpusil patay sa usa ka pulis diin napagan ug nakabsan sab sa iyang kinabuhi ang usa ka taxi driver.
Naila ang biktima nga si PMSG JACKSONPEL B. SUAN, personahe sa Sasa, Police Station. Nahitabo ang insidente pasado alas sais kagabie sa km,. 10, Sasa ning siyudad.
Sa inisyal nga imbestigasyon, gibutyag sa nakasaksi nga sakay ang pulis sa taxi ug pabalik na unta sa sasa police station alang sa iyang duty ug pag-abot niini sa km. 11, Sasa ning siyudad partikular na atubangan sa Reta compound, mibutho ang wala mailhing suspetsado nga sakay sa orange nga navarra pick- up ug gibanhigan ang taxi diin sakay ang biktima gamit ang M16 rifle hinungdan sa hinanaling kamatayon sa pulis ug sa taxi driver.
Human ang insidente, paspas nga misibay ang mga suspek sa paingon sa habagatan nga bahin. Narekober sa otoridad sa crime scene ang 13 ka mga basiyo sa bala. Samtang gihiling ang patay’ng lawas sa taxi driver, narekober ang lisensiya niini nga adunay pangalan nga Jun Rey Digal Escolano residente sa Prk 7. Bunawan ning dakbayan.
Una na sab nga nasayran nga supervisor sa mga police auxiliary nga nadestino sa Sasa PNP.
Samtang gibutyag ni alyas Jun kaubanan sa trabaho sa biktima nga usa ka maayo nga tawo Suan ug gani kini sumala pa ang ilang pangayuan ug tambag sa higayon nga aduna silay problema hinungdan nga nakurat na lamang sila s panghitabo
