DAVAO CITY – Kinse ka mga resorts ug usaka hotel sa Mati City, Davao Orientaln ang gikabalak-an nga paserhan gumikan sa kakulanogn ug permit aron maka-operate ilalom sa Modified General Community Quarantine (MGCQ).
Gibutyag ni Mati City Tourism and Promotions officer Dashiel Indelible Jr., gihatagan ang mga nahisgutan ug notice of violation niadtong nakalabay nga weekend.
Sumala ni Indelible, nasuta nga wala mosunod ang mga nahisgutan sa health protocols sama sa pagbutang ug contact tracinf forms, social distancing ug pagsul-ob ug face mask ug face shield sa mga tawo sulod sa ilang establisamento.
Tungod niini, hinanaling mipatawag ang lokal nga kagamhanan sa Mati City ug panagtigum sa mga nanag-iya ug mga resorts ug mga hotels aron subling pahinumduman labot sa mga health protocols nga angayang ipatuman ug sundon.
Pipila sa mga sumbanan nga kinahanglang sundon mao ang pagbaton ug Certificate of Authority to Operate gikan sa Department of Tourism; No booking, No entry policy; pagbutang ug health guidelines signage upon entry; paggamit ug Thermal Scanner; pagbutang ug Foot Bath, hand washing station hand sanitizer; pagsul-ob ug face mask ug face shield; pagpatuman sa physical distancing; pagpahimutang ug Isolation Area, u gang pagpatuman sa No Mask, No Entry Policy.
Kinahanglan usab nga magbaton kini ug registration forms aron gamiton sa contact tracing ug mosumite ug report sa City Tourism Office matag Miyerkules.
Gikanayon ni Indelible nga kinahanglan nga mosunod sa tanang mga sumbanan gumikan kay mamahimong masilutan kung dili kini mapatuman sa ilang establisyemento.
