DAVAO CITY – Gisugdan na ang konstruksiyon sa bag-ong isolation facility sa davao International Airport alang sa mga na-stranded nga mga OFWs ug uban pang mga pasahero sa Eroplano.
Ang nahisgutang pasilidad ang adunay 20 ka mga dagkong tent diin adunay tag-10 ka mga kwarto ug fully airconditined.
Gikanayon ni Dean Ortiz, spokesperson sa Department of Public Works and Highways (DPWH) 11 nga sa pagka karon nagpadayon pa ang pagtukod sa ika-tulo nga tent, apan lauman nga sa adlaw nga hwebes hingpit na nga magamit sa lokal nga kagamhanan ang nahisgutang pasilidad alang sa nahisgutang katuyuan.
Sa kasamtangan, tulo ka mga isolation facilities ang ipatukod sa DPWH sa syudad nga adunay gahin nga moabot sa 120 million pesos.
Lakip na niini ang nagpadayong katukuran sa isolation facility sa Old airport sa Sasa, samtang padayon pa usab nga nagapangita ug luna nga tukuran sa lain pang usa.
Dugang pa ni Ortiz nga target sa DPWH nga mahuman ang 300 isolation rooms sa katapusan nga bahin niining bulan sa Agosto.
