DAVAO CITY – Aron masiguro nga dili matakdan sa makamatay nga Covid-19 ang mga peneriso sulod sa Davao Oriental Provincial Jail. Anaa sa 31 ka mga Person Deprived of Liberty (PDL) ang gipailalom sa swab testing sa pagpanguna sa mga personahe sa Davao oriental  provincial medical center.
Gikanayong anaa lamang sa 5 porsyento sa mga peneriso ang napailalom sa swab testing gumikan kay limitado lamang kini.
Aduna na matud pay gi-andam nga mga lakang ang provincial jail sa higayon nga adunay usa sa mga peneriso nga magpositibo.
Sa kasamtangan, hugtanon ang gipatuman nga mga health protocols sa presohan sama na lamang sa social distancing ug temporaryo una karon nga gisuspende ang pagbisita sa mga peneriso.
Una ng gibutyag ni Apollo Conde, Assistant provincial Jail warden Davao Oriental provincial Jail, tanan sumala pa nga mga personahe sa otoridad nga mosulod sa provincial jail ang kinahanglan nga mopailalom sa swab testing aron masiguro ang kaluwasan dili lamang sa mga peneriso kung dili lakip na sa mga nagdumala sa presohan. Â
