DAVAO CITY – Nagpadayon karon ang gipahigayon nga imbestigasyon sa kapulisan kalabot sa pagpatay sa kanhi pulis nga gi-atangan sa mga suspek kagahapon sa buntag sa sa mismong tulay sa Prk.8, Brgy. Mainit, Nabunturan Davao De Oro.
Una ng naila ang biktima nga si Lerdie Miguel Dela Rama, 37 anyos, ug residente sa nasangpit nga lugar.
Subay sa imbestigasyon sa Nabunturan MPS, nagmaneho sa iyang kolor itom skygo 150 nga motor ang biktima pauli sa ilaha apan pag abot sa tulay gibabagan kini sa wala maila nga mga suspek dayon gipusil sa makadaghang higayon.
Human sa insidente yanong nagbaktas padulong sa Prk.9.ang mga suspetsado. Sa crime scene narekober ang 8 ka basiyo ug usa ka balinis nga iya sa .45 nga pistola.
Nasayran nga ang biktima nataktak sa serbisyo sa PNP niadtong Oktubre 2016.
