DAVAO CITY – Padayon pa karon nga gipangandaman sa Southern Philippines Medical Center (SPMC) ang mga guidelines nga gamiton alang sa convalescent plasma therapy alang sa pagtambal sa mga pasyente nga nakasinate ug seryoso nga kaso sa coronavirus disease (COVID-19).
Sumala pa kang Dr. Ricardo Audan, chief of clinics ug health emergency sa SPMC, wala pa nakasugod karon ang government hospital ug therapy gumikan kay ila pang gi-proseso ang guidelines ingon man ang dagan sa convalescent plasma.
Una ng gibutyag ni Dr. Deonne Gauiran, hematologist sa Philippine General Hospital (PGH), ginapahigayon nila ang convalescent plasma therapy ilalom sa hugtanon nga guidance ug istrikto nga protocols nga gi-isyu sa Food and Drugs Administration (FDA).
Gitino sab ni Dr. Gauiran bisan nga epektibo ug luwas ang susama nga proseso batok sa SARS, MERS-CoV, H1N1 ug Ebola, wala pay lig-on karon nga ebidensiya nga makapamatuod nga epektibo kini batok SARS-Cov2.
